Омаж на Рина Усикова

Омаж на Рина Усикова. Рускиот центар при Универзитетот „Св. Кирил и Методиј“ во соработка со Катедрата за славистика при Филолошкиот факултет „Блаже Конески“, Меѓународниот семинар за македонски јазик, литература и култура и Московскиот државен универзитет „М. В. Ломоносов“ на 19 април 2023 оранизираа настан по повод 90-годинишнината од раѓањето на руската македонистка Рина Павловна Усикова. На меѓународниот настан, кој се одржа виртуелно, со свои излагања учествуваа: акад. Ала Шешкен од Московскиот државен универзитет „М. В. Ломоносов“; проф. д-р Максим Каранфиловски од Филолошкиот факултет „Блаже Конески“;  проф. д-р Елена Верижникова од Московскиот државен универзитет „М. В. Ломоносов“; претседателката на Македонскиот славистички комитет, проф. д-р Емилија Црвенковска; директорката на Меѓународниот семинар за македонски јазик, литература и култура, проф. д-р Весна Мојсова-Чепишевска и проф. д-р Биљана Мирчевска-Бошева од Катедрата за славистика. Во рамките на омажот се емитуваше и еден од последните видеозаписи на Рина Усикова, а студентите македонисти МДУ „М. В. Ломоносов“ прочитаа избор од стиховите на Блаже Конески и Ацо Шопов.