„Аерофлот“ прогласен за најпунктуален превозник во светот

Руската компанија „Аерофлот“ три месеци по ред е на врвот на рејтингот на најпунктуалните авионски превозници во светот, пренесува инфромациската агенција ТАСС. Рејтингот го прави аналитичката фирма Cirium од Велика Британија.

Експертите констатираа дека повеќе од 90% од меѓународните летови на најголемиот руски превозик се реализирани навреме. Во самата компанија истакнуваат дека успеале да ги постигнат таквите резултати благодарение на строго почитување на правилата за качување на авион. За понатамошно усовршување на оваа процедура „Аерофлот“ планира да ги применува дигиталните технологии вклучувајќи ја и биометриската контрола.

Оваа година „Аерофлот“ исто така победи во номинацијата „Најдобар европски авијациски бренд“ на европската етапа на конкурсот World Travel Awards.

Информацијата и сликата се преземени од сајтот на Руски мир (https://russkiymir.ru/).