Волонтери на победата

Во саботата на 19 – ти октомври, со почеток во 17:00 ч во просториите на Руски центар Скопје се одржа презентација на движењето „Волонтери на победата – Македонија“.
Присутните гости имаа можност да се запознаат со историјатот на движењето „Волонтери на Победата“, со неговите цели во Русија и во светот, со неговите активности и планови за во иднина. Во 2020 година се одбележуваат 75 години од Денот над Победата над нацизмот и фашизмот во Втората Светска Војна. За таа цел беше создаден„Меѓународен тим на волонтери на 75-годишнината од победата“ во повеќе од 45 држави во светот, меѓу кои и Република Македонија. Целта е достојно одбележување на 75 – годишнината од Победата насекаде низ светот, и да не се дозволи препишување на историјата.
Присутните имаа можност да се запознаат со целите, плановите и идните активности на движењето „Волонтери на Победата – Македонија“, како и да се приклучат на движењето како волонтери.