Саем – презентација
18.09.2018
На 18 и 19 септември 2018 година од 09:00 часот, Претставништвото на Россотрудничество во Скопје и Russia.Study (Агенција за соработка во образованието), со поддршка на Рускиот центар при Универзитетот „Св. Кирил и Методиј“ во Скопје, организираа саем-презентација на водечките руски високообразовни институции – „Образованието во Русија: старт на вашата успешна иднина“.
Посетителите на настанот се информираа за програмите за повишување на степенот на квалификација во руските високообразовни институции, завршување на второ високо образование и условите за запишување и обука на магистерски студии. Се информираа и за тоа како е организиран системот на образование во Русија, кои се предностите кои ги добиваат странските студенти и како да се аплицира во програмата за стипендии на руската влада, за бесплатно образование во Русија.
На саемот учествуваа претставници на водечките руски институти и универзитети, од повеќе наставно-научни области и специјалности: хуманистички, технички, физичко-математички, природно-научни. Програмите и условите за студирање ги презентираа проректорите на образовните институции и раководителите на организационите единици одговорни за меѓународна соработка и обука на странски студенти.
На саемот беа присутни претставници на медиумите и образовните институции, матуранти, студенти и млади научници, посетители и наставници на курсевите за изучување на руски јазик, како и сите заинтересирани.
