Новогодишен празничен настан

На 17 декември во просториите на Рускиот центар при УКИМ се одржа празничен настан во кој учество зедоа дел од децата кои го учат рускиот јазик во училиштето за странски јазики „Албион“ (Куманово) со нивниот наставник Цветан Арсовски.
Настанот беше организиран во соработка со Катедрата за славистика при Филолошкиот факултет „Блаже Конески“. Професорите од катедрата подготвија различни интересни активности преку кои децата можеа да се запознаат со руските новогодишни обичаи и традиции.
По успешно завршените активности, сите деца добија по еден  новогодишен подарок од организаторите.